معنوياتي مرتفعه هاليومين والسبب يرجع للشوكلاه ... !
امانه لاني بطلت اكل شوكلاه زي قبل
احس سعادتي مستواها انخفض حخ
انو خلونا نتفق انو الشوكلاه والاسكريمات والاكل بشكل عام سر من اسرار السعاده اللي يحس فيها الانسان رغم كمية السماجه اللي حولو
ف كا ما بعدت عن هالشغلات فجئه كل ما قلت سعادتك
المهم انو ربي يديم نعمة اللاكل والشوكلاه ويحفظها من الزوال ..
اكثر ناس يعرفو انو عصبيتني منهم ما تنتهي قبل ما اضر نفسي بشي ويرجعو يعصبوني ويرجعو يلوموني ويعصبو انو ليهه تسوي كدا بنفسك !
لا والله !!!
مرهه تحبوني انتو
و خلصتو كل الحب من كثر ما تحبوني !!
مو للابد راح اقولك لا تسوي كدا لانو يضايقني ولا تعمل هيك لان ما احب
راح يجي وقت انسحب من حياتك تدريجيا
وولا شي قادر يرجعني لك مثل ما كنت ابدا
هذا اكثر شي اعرفو عن نفسي !
صباح الخير والشغلات الجميله
امس كان يوم حافل
واليوم بيكون حافل اكثر واكثر
وبكرا وبعدو حافل اكثر واكثر واكثر
الزبده انو روتيني متغير حبيتين هاليومين
وعاججبني هالشي طبعا
الحياة الهاديه بزياده والي على نفس الرتم
مو جوي ولا مودي ابدا
المهم
الحمد الله ربي على هالايام الجميله.. 😴💜
وعلى طاري وفات الهام !
تبغوني اقولكم القصه ولا بلااش انكد عليكم 😂💔 ؟
اصلا طووويله انا بالسوالف الصوتيه ما احكيها ل احد تبغوني اكتبها !
حقيقي ما كنت احكيها غير لميما
يعني هيا الشخصه الوحيده الي كنت احكيلها كل مره اكون متضايقه
تحسو حفظت الاحداث من كثر ما احكيلها
بس صدق لا اراديا لما افتكر الهام بشي اجلس اسولف عنها ووتنتهي سوالفي بكيف ودعتها وكيف ماتت !
الزبده الله يرحمها ويرحم بابا وابويا وجميع المسلمين
بقولكم سالفه يمكن ما تصدقوها زيي اخواتي لما حكيتها لهم وانا صغير ولما كبرت
بس موخرا صدقوها لان وحده من اخواتي سار معاها نفس الشي
الزبده بحكيلكم
طبعا الكل يعرف انو اختي الهام اتوفت لانو مرضت بس الاغلب ما يعرف سبب مرضها واللي كان بسبب العين .. على قول الشيخ عين ممسوسه عين واتحولت مس مدري كلام صعب وكان غريب بالنسبه لنا لان اول مره نسمع فيه
الزبده الله يبعدها عن الجميع
والله لا يفجع احد بهيك مرض
الموهم
وانا صغيره كنت اشوف حرمه لابسه اسود وهالحرمه ما اشوفها الا قبل ما يتوفى احد في بيتنا !!
ولتوضيح نحنا ساكنين في عماره الدور الارضي ستو وخالاتي وجدي وابويا الله يرحمو
والدور الاول تبعنا انو انا واخواتي وماما وبابا الله يرحمو
والدور التاني كان فيه زي الملحق بس انو في السطوح وديكا كانت غرفة علاوي
الزبده قبل ما يتوفى احد وتحديدا في الدرج اشوف هالحرمه
يعني مره اكنت طالعه على السطوح وشفتهة داخله بيتنا بس قبل ما تدخل طالعت فيا وانا طالعت فيها وبعدها ددخلت !
وبعدها فتره مات بابتي الله يرحمو
ونفس الشي سار قبل ما يتوفى ابويا الله يرحمز
كانت تطالع فيا ودخلت بيت ستو
وبعدها اتوفى !!
كنت اقولهم انو احكي ل اخواتي هيك ويحسبوني انو جالسه افلم عليهم خخخ
المهم انو وقت مرض الهام
وقبل ما نكتشف حتى انو اللي فيها عين ممسوسه او مدري شوي
كنا راجعين من المستشفى من عندها
وكفنو دخلت الغرفه حقتنا وشوي صرخت وطلعت برا مفجوعه
وكلنا رحنالها انو اشبك !!
وراحت قالت انو شفت حرمه لابسه عبايه في الغرفه !!
وجا خالد وفتح الشباك ودورنا في كل الغرفه مافي احد
انا في البدايه جلست ادور معاهم يعني ما جا في بالي
بعدين وقفت وقلتلها كيف كان شكلها قالتلي مو مبين كلها كدا لابسه عبايه وانو كانت قدام سرير الهام الله يرحمها
انا هنا خلااص سرت اطالع في سرير الهام وخلتتص دموووععع اننهررررتت
واسارو يضربوني كفوف عشان يطلع صوتتي
وبعدين انهؤت صددق وقلتلهم الهامم بتموووت
وسارو يهزئوني انو خير تفاولي عليها وانو مافيهة شي وانا لرضو ابكي واقلهم بتمووت
وفنو سارت تقولي هالمره انا شفتها مو انتي وانو مو ساير شي ومن هالكلام !!
واللي يبكي انو بعدها بفتره فعليا ماتت الهام !!
ومن وقتها بس صدقوني اخواتي !!
الزبد نفسي اعرف ليه كنت اشوفها هدي الحرمه
وليه انا دايم بالذات اللي كنت اشوفها !
انو افصل فجئه يا بضحك يا بعصبيه او اانو اقول كلمة فجئه ومو في محلها
هذا شي طبيعي مره
عادي جدا يكونو اهلي يتكلمو في موضوع مهم واسكتهم عشان اسألهم تحبوني ؟
وانكرش او اتهزء والحياة مستمره خخخ .
وعاددي جدددا
فجئه اجلس في حضن وحده من اخواتي
وعادي كمان لو اترفست وقتها لانو مو من نحفي لما ارميني في حضنهم فجئه خخخخ
الزبده الاشياء الغير متوقعه واللي تسير في الاوقات الغير متوقعه تمثلني بقوه هههه
من المعجزات للي سايره هاليومين
انو سرت ارتاح هون اكتر شي وبس اسولف
جديا الكتابه تفيدني تحسن نفسيتي
ولانو كل ما كتبت خواطر طلع شكلها يجيب الشلل
خلينا نسولف هيك جدا افضل واجمل وارقى
.. تويتر ساير يجيب الهم من الاخبار اللي فيه
والاستقرام ما ادخلو الا عشان اشوف التساريح وهيك ما سرت احبو زي لما طلع في البدايه
والمدونه هون هدوء هيك استكنان
اكتب وانا متاكده انو ماراح يجيني متميلح زي في تويتر ويرد على كتاباتي ويستظرف
الزبده روقانن لين خلااص .. والله يديم 😴💜
اححب اححب اللي يحفظو كلامي الي اكتبو
انو مو بس يقرأوه !
صح فيسي يقمط لما يواجهوني فيه خصوصا لما يكون الكلام الي كتبتو بين كلام كتير وبالنسبه ليا مو ملحوظ جنب اللي انكتب بعدو !
بي هما لانو اهمهم ولان يحبوني يقراو كلامي بعيونهم وبقلبهم وبكل حواسهم ومركزين تمامم
جديا احسني وقتها اني شي مره مهم بالنسبه لهم
وانا اصلا شي مره مهم بالنسبه لهم
بس اححب انو اشوف هالشي بتصرفاتهم العفويه والعايديه احب احسس هالاحساس دايمم
انا انسانه رغم كل الشغلات الجميله اللي فيا
بس صدق لو اهملتوني شويتين لو ما ذكرتوني دايم اني مهمه لكم وانو تحبوني سواء بتصرفاتكم او كلامكم العفوي
ممكن وقتها اقلب على الفيس التاني اسرع شي هع
وبس يعني 😌✌
مفهوم الخرفنه عند البنات مياعه ورخص
ومفهوم الخرففنه عندي اسلوبي الطبيعي اللي اتكلم فيه !
يعني حقيقي اكتشفت انو خرفنت ناس كثير بدون ما اقصد حتى 😂💔💔
الزبده انو مرات صدق احس عندي مشكله
ماني ززي البنات اخق على الاولاد الجميلين واسوي زيهم ! انو ينااس يزننن وبيموتو عليه !
نعمم نعمم ؟؟ انو خير ما اتخيلني اصلا هيك
واللي يضحك انو مرات اسوي نفسي خاقه بس عشان ما احسني غريبه بينهم ههههههه
وهما يحكو وميتين وانا اسلك وانو ايه يناس 😂😂😂💔
بس جد يعني عمري ما خقيت على شكل ولد ولا يفرق معاايه
يعني ضاع عمرهم اللي يتميلحو واول شي يعملوه انو يرسلولي صورهم عشان اخق وهيك ههههه
وانا حتى ما افتح صورهم
و بس اشوفها من برا😂💔
يعني انا انسانه يجدبني في الشخص ابتسامتوو شخصيتو خفة دمو اما شكلو فهدا لنفسو مو ليا هع
فلا تتعبو نفسكم على الفاضي وترسلوها وهيك
اما اللي يبينلك انو انا غني ترا ولو خرفنتيني بدلعك هههههههه
يا بابا اذا حاب تصرف مره
روح اتزوجلك وحده بالحلال واصرف عليها ودلعها وطلع طاقتك التميلحيه عندها !! >فيس يشمق
الزبده
انو فتحت هالموضوع لان كترانين اللي يرسلولي صورهم على الخاص في تويتر خخخ
انو اهدء من كدا حبايبي جالسين ترهقو نفسكم على الفاضي واللهي 😌✋
بالنسبه ليا تويتر واستقرام او حتى مدونتي
محطه لذكرياتي مستقبلا
يعني حقيقي خصوصا هنا في المدونه
لما اجي اقرأ يومياتي اللي كنت اكتبها
والشغلات الي بتسير معايه
ارجعع اضحك وارجع اعيش كل شي من جديد
وكل تفصيله اتذكرها وكيف كانت
انو لما اقرأها هون
ف انو شي ححلو ممره
انا للابد اكتب لنفسي
ارجع اتذكرني كيف كنت من خلال كتاباتي
وما اقصد بكتابتي اللي ب الغة العربيه
لان ديكا خواطر نادرا تكون تمثل حالتي ..!
الزبده انو حكاية اني احب اكتب كل شي يسير معايه كل اخواتي واخواني وخالاتي يعرفو هالشي عني وكل صحباتي طبعا
ف امس ماما قالت هرجه في القروب
وانا استنكرت انو منجد !!!
وجا خالد يقول يالله روحي اكتبيها في تويتر
ههههههههههههههه
واضح انو عقدتهم 😭😂😂😂
ف قلت وفيسي ناشف
ايوا بنزلها اكيد بس استنى اسمع الهرجه من جميع الاطراف وانزلها
وانو تعرف اهم شي المصداقيه
ههههههههه >ما كنت بنفرش ابد خخ
وبس والله بعدها ضحك الجميع وهيك يعني
<برا تيب
لما احد يجي يتقدم ل احد من اخواتي
او خالاتي او صحباتي المقربات
اكثر شي يعقدني هوا السؤال عن الولد او العريس
حقيقي مافي احد سأل عن طليق خيتو
اكثر من اخواني وخيلاني وارحامنا
كل ابوهم سألو عنو وكل الناس كانت تمدح فيه وفي النهاية ...... !! الله لا يبلانا
المهم انو على قول ماما
الزواج زي البطيخه ما ينعرف اذا كويسه او ابو كلب لي ما تتقطع ونشوف !
بالنسبه ليا احس الزواج تجربه فيها تزبط او لا
ويعني انا اشوف الموضوع بهالطريقه لما يكون يخصني
بس ما اشوفو هيك لما يخص اخواتي او حدا احبو
اححس نفسي اروح افجر في ازواجهم اللي ما قدروهم او طلعو حيوانين وتعبوهم في حياتهم !!
مشاعرنا محد مجبور انو يبادلها
لان شي خاص فينا وشي يصنف تحت كلمة مشكلتي مو مشكلتك ومالك ذنب فيها !
بس لما يوم تبادل ويوم لاا
هنا الواحد ما يعرف ايش يقول صراحتن !
غنية يحلمون لعبد المجيد
كلماتها تمثلني بقووه
انو صدق يحلموون الي فيك يفكرون
ياخذونك انتا مني ؟؟
والله لو يتجننون
>فيس يتميلح ويرمش بعيونو خخخ
ما احس انو احد يقدر ياخد شي حقي الا لو انا انخليت عنو
غير كدا والله يحلمون ويعقبون وكل الكلمات الصعبه والي لها نفس معنى يحلمون 😌✋>براا
اقدر اتمسك ب اشخاص اكون واثقه انو ماراح يضيعو مني في يوم واجلس اتحسر وابكي عليهم عمر !
اشخاص اعرف انهم متمسكين فيني بنفس القوه ..! وماراح يتركوني !
مبدئي
اترك الناس الي ما راح يجمعكم مستقبل باي طريقة دام قادر تتركهم دحين !
لان التعود اقسى مرض ممكن يصيب القلب
اقسى حتى من الحب او من العشق
شي متعود عليه زي شرب المويه كل يوم !
راح يهد حيلك لما تتركه والاقسى انو تضطر تتركه بدون حتى اي مقدمات او اي محاولات سابقه في انك تتركه
فجئه يروح لان خلاص قدر ولان لازم يروح
ولان من الاساس هذا نصيبكم
اككره هالاحساس لنو حدا يروح وانا مو مهيئه نفسيا حتى اني اودعه !
ولاني اكثر انسانه جربتو
جالسه احاول اني ما اجربة تاني
واكون انا اول الي يخطو خطوتهم بفراق الاشخاص !
تعبت وانا اودع وانا اطل في خطواتهم وهما يبعدو ..!
مره عشانك
ومره ثانيه كمان عشانك
والمره الثالثه عشاني !!
والرابعه نشوف خاطر احد له خص بالموضوع عشان اقنعني وما اتركهم !!
للابد لما تحبو احد وتتعودو على وجوده في حياتكم راح تختلقو مليون عذر يرجعكم لبعض
بس مو للأبد راح تختلقو هالاعذار
لان بتوصلو لنقطه ما تستحقروهم فيها من كثر اغلاطهم المتكرره !!
بس راح تستحقرو نفسكم انو كيف بعد كل هاد نحنا بنتمسك فيهم !!
وقتها ... انو في داك الوقت بس
راح تتركوهم بدون ما يرف لكم جفن
وهذي يسموها الي تركناكم بقناعه وخلاص عافكم الخاطر !
...
لحد يستحقر الاغلاط الصغيره يمكن تكون كبيره جدا عندهم ويمكن تكرارها يكون سبب تعطوهم من خلاله ديكا القناعه الي راح يتركوكم وهم مستندين عليها !
بس اقول ... !
ترا صدقا مو كل ما اكتب خاطره فيها كميه حزن تصدقو اني حزينه او مجروحه !
ترا مرات اكون اسمع غنيه وكلماتها تعطيني الهام من حيث لا احتسب واكتب اللي اكتبو ويبين هيك زي ما تشوفوه !
مشكلتي ما اعرف احب الحب اللي يعني ويعني وكمان ما اعرف اكرهك وما اكرهك
يعني ماعندي رمادي او اسود في موضوع الحب والكره
يا يكون رمادي يا يكون اسسود
ومنشان هيك انا اكثر انسانه اكلت تراب واللهي
واكثر انسانه تنفهم غلط لما تعبر عن مشاعرها مثلا قدام الناس عن حبها لصديقه 😂💔
لا اراديا يروح تفكيرهم انو بيننا علاقة شواذ ومحرمه خخخ
لا والله ربي لا يبلاني بس انا مندفعه والحب عندي واحد بس افعالي في الحب هيا اللي تختلف بين زوجي مستقبلا وصديقتي واخويا واختي !
يعني كدا
تصدقو اغلب الناس الي اتخليت عنهم
كنت احبهم اكثر منهم !
يعني معليش انا ما احب احد اكثر من حبو ليا !!
يا نحب بعض بنفس المقدار يا يحبوني هما اكثر
يا اتعب من قوة حبي لهم واتركهم !!
اما حكاية انو انا الي اتعب كل مره وانا الي اتمسك وانا اللي اهتم اكثر شي وما الااقي نفس الاهتمام على اقل تقدير !!
ف معليش والله لا انتو ولا غيركم ولا عشره من اشكالكم >تحسو اتحمست ههههه
الززبده
لحد يغتر بنفسو لاني احبو ترا اني اتركو شي سهل زي السلام عليكم يعني !
ولا ابوكم لا ابو اللي يحبكم مره تانيه
<واضح انو عصبت ؟ خخخ
وبس والله
سايره اتحلطم كثير !!
بس انو حره مدونتي وكدا ^^
امس كان يوم سيء
جد جد الحمد الله انو عدا ب اقل الاضرار
كنت مو شايفه شي من عصبيتي احتمال لو احد استظرف كنت قتلتو
ما كنت ابي جوالي وكنت بعطيه وحده من اخواتي تاخدو اسبوع عندها عشان ما اضعف وامسكو لو حطيتو عند مامتي مثلا
بس تخيلو انو كل ما قلت لوحده من اخواتي قالتلي تيب وقبل ما تروح يسير شي وتنشغل وتروح قبل ما تاخدو !!!
انو خخير كانهم قاصدينها !😐💔
وبس يعنني فصصصلت... ممرههه عصبت
وكنت راح اككسرو لان جدد ماكنت ابييه
ولا ابي اللي فيه ما كنت طاييقه احد ححتى نفسي !
انو نفسنت لدرجه كنت بقوم اقص شعري واعدم امو
لان للابد نفستي تتحسن بعد ما اغير استايلي !
الزبده انو اتعودت من الشيطان
و بس واللهي مرت الحمد الله
والله لا يعيد شعوري امس
جديا كان زباااله 😕
انا اكثر انسانه عنيده في العالم
واكثر انسانه ما تفكر وتتصرف زي ما تحس لما تكون معصبه !
اذا ما فهمتو هالشي لسى معناتو لسى ما عرفتوني !!
واذا ما فهمتو كمان انو ممكن تصرف جميل منكم وغير متوقع ممكن يطيح الي براسي ويكسر عنادي فهدي مشكلتكم ..!
ماراح اشرحلكم نفسي كل شويه
ابدلو مجهود شويا استنتجو اليي ابيه زي ما انا عمل معاكم !!
حسسوني انكم تبغوني بس مو بالكلام
لان اساسا اذا بسمع كلام كنت رحت مع كل من هب ودب لان واللهي على كلامهم فكلهم يبغوني !!
شو الفرق بينكم !
احتاج اشوف هالشي ..~
الزبده انو
بطلت احبكم والله
بطلت اميزكم عن غيركم
كلكم تبع كلام وبس !
وزيكم زي غيركم تقولو لا تروحي وانتو ما عملتو اي شي عشان ابقى .. !!
ابحث عن ما يدينه ب عيناي
ارغب ب اانتشاله مني عن قناعه
ارغب بذلك الشعور المؤلم الذي سيمحي اخر ما حملته في قلبي وكان له !
لا شي قادر على محيه ابد الان
ف كلما حاولت فشلت
وكلما ظننت سوء به وصدقت تلك الظنون
تأتي ذكرياته الجميله وحرقة ذاك الحنين
فينهار جليد قلبي مجددا
ذكرياته تلك وحدها قادره على اعادتي من حيث بدئت .. حائره و متسائله
لماذا وكيف اتخطاه !!
بقلمي الان !
تخيلوني اغير من احد ؟
اول جمله اقولها لما احد يسالني غيرانه ؟
لان
حقيقي ما احس اني اغير من احد
انو الحمد الله كل شي ابيه عندي
مو محتاجه اغير يعني !
بس في ناس ما تفرق بين الغيره وبين شعوري لما احد يقرب من شيء حقي و ملككي انا
واقعيا
هذي ما يسموها غيره
هدي يسموها حرب مشروعه
وعلى الطاري .... اللي في امو خير يقرب من شي حقي ... !
ياني بمسح فيه الارض واحسب الله ما خلقو
وبس والله 😊
صباح الخير
لست مضطرا ابدا ان تبحث عن اهتمامات مشتركه بيني وبينك لنخلق الاحاديث بها !
ف انا سأ صغي اليك بكل اهتمام
وسأشاركك ابسط التفاصيل
سأكون معك حيث تنتمي !!
وسأنظر لتلك الامور التي تثير اهتمامك من خلال زاويتك انت ...
حتى وان كانت في الحقيقه اخر اهتماماتي
سأجعلها الاولى عندما تتعلق بك !
ف انا بهذا العمق او ربما اكثر
عندما احب احدهم !!
^بقلمي الان
ولان بذكراها يتمزق قلبي
ولان برحيلها فقدت جزء مني... كنت ارى كمالي به !!
ولاني افتقدها كثيرا
وكبرت كثيرا بعد رحيلها
دعوتك يا الله بحجم ما اشعر به الان
ان ترحمها رحمه واسسعه
وتغفر لها ذنوبها جميعا
وان ترينا اطنان من الالم يالله
في قلوب وحياة كل من اراد بها شرا يوم ما !!
اللهي كل من تسبب لها ب الم نفسي او جسدي
فقط اكشفه امامي...
امنحني يالله فرصة واحده فقط
لأمنحهم ذات الألم بأعز ما يملكون !!
اقسم انني حينها سأسلبهم الراحه
ولذة الحياة التي تنعمون بها في ذات الوقت الذي غمرنا جسدها المرهق بذرات التراب !!
وتركناها وحدها في قبر مظلم
في ارض شاحبة مليئه ب الاحزان !
^ بقلمي الان !!
بطبيعة الحال ما يصح الا الصحيح
دايم وللأبد رددو هالجمله كل ما يلعب الشيطان بدقات قلوبكم
او تعرفو بس اتعوذو من ابليس واتمسكو
لان غالبا مافي شي زي ما انتو تشوفوه ابدا
انو لما عيونكم يتحول البؤبؤ تبعها لقلوب بمجرد ما تطلو في شخص معين !
هنا لا تفكرو ابدا تعطو تقيم لهالشخص او تقولو انو كويس او لا
لان في وقت معين لما تشوفو انو كل الناس تعيب في هالشخص انتو راح تدافعو عنو ب استماته وبدون اي مبرر مقنع للغير
ب اختصار الروئيه ما راح تكون واضحه
راح تحتاجو ناس صادقين معاكم يحبوكم صدق يخافو عليكم
عشان يصارحوكم بالحقيقه المره اللي ما شفتوها يوم
وبس والله ... 😕
شي مؤثر دراما مسلسل
او مدري بس شي من هالقبيل
الحياة هيا شي زي كدا !
مرات نستنشق طاقه اجابيه تخلينا نشوف كل شي زهري وجمميل
ومرات نفس الطاقه تنحبس داخلنا
وتتحول لطاقة سلبيه
يعني نحنا فينا اصلا طاقة سلبيه
غطيناها بالطاقه الاجابيه
بس لما الطاقه الاجابيه اتحولت لسلبيه
سارت الطاقه السلبيه جواتنا دبل
ف ننفجر ونعصب بطريقة مضاعفه للفرحه الي فرحناها من قبل !!
انا ايش اقول ؟
تحسو انو دخلتو مدونه مصطفى على هالتعقيد والعمق في التفكير خخ
بس انا برضو فيا هذا العمق
انا انسانه على كثر ماحب البساطه في كل شي
وكل قرار يبين انو ماخدتو بكل بساطه
بس فعليا اكون وصلت بالتفكير فيه لأعمق نقطه ممكنه
انو بالنهاية الشعرات البيضه الي طلعتلي مو من فراغ ..!
وبس والله ....!
شعرت بالعجز حينها
فقدت قدرتي
رائيت الالم بمراحله
رائيت ابعاده
اختنقت ..!
شعرت وكانني سأودعهم في لحظة امتلاأ جسدي بذلك الالم !
لم اعد قادره على تصنع العافيه
ل ارسم ابتسامة رضى على ملامحها المرهقه المتحسره على الم ارهقني وظنت انها تسببت به !
انتفخت اوردتي من تلك المسكنات
وفقدت حياتي في لحظة
فلم املك حينها سوى الانهيار !!
والم داخل احشائي لا اعلم حتى كيف يمكنني ايقافه !
هذا اختصار ما شعرت به في ايامي الاخيره !
وقد ادركت من خلاله انني املك ام عظيمه
قادره ان تمنحني وقتها اهتمامها
حتى عافيتها فقط ل تراني بخير !
.
.
همسة لقلبها !
عندما عانقتك لم يبكيني الالم الذي كنت اشعر به !
بل ابكتني الحسره على ايام كنت بعيده جدا عنك
وقد خشيت حينها انني لن اعوضها ابدا !
احبك امي
الله لا يذيقنا مرارة فقدك
ولا يحرمنا نعمة وجودك في هالحياااة
^بقلمي الان:)
ليتني امتلك الان قدراتي تلك في تبسيط الامور
لكنت توسدت قلبك وعانقتك منذ زمن
دون اي تعقيدات تبقيني بعيده عنك
وتغرقك انت في حيره والم !
^بقلمي الان
بقربك انا لم اعد اعلم ماذا اريد
ادفعك بعيدا في ذات الوقت
الذي تؤلمني به نبضاتي لأجلك !
ارغب بوجودك ولكن شي ما يخبرني ان ابتعد !!
لا اريدك
اقسم انني سوف انساك
ورغم قدرتي الا ان نبضا داخلي يرفض ذلك !
انا قادره على هجرك
قادره على نسيانك
اقوى فراقك يمكنني فعلها حقا
ولكنني ... لا اريد !
وهذا كل شي !
اوامر ملكيه ..
اعفاء ولي العهد الامير مقرن من مصبه بناء على طلبه
تعين الامير محمد بن نايف ولي العهد
تعين الامير محمد بن سلمان ولي ولي العهد
اعفاء الامير سعود الفيصل وزير الخارجيه من منصبه بناء على طلبة بسبب سوء حالته الصحيه
وتعينه ك وزير للدوله ومستشار للملك ومشرف على الشؤن الخارجيه
تعين الاستاد عادل الجبير وزير للخارجيه
صرف راتب شهر لكل القطاعات العسكريه
هدي اهم الاوامر وبالمختصر المفيد 😊💜
كلمة للشعب السعودي ..
الله يكتب الخير للبلاد والعباد
و الله يديم نعمة الأمن والأمان
الأسماء تتغير.. وحب الوطن لايتغير
في قلب كل سعودي وسعودية..!
...
كلمة ل اولياء العهد ..
مبروك للأمراء المحمدين اللهم وفقهم لخدمة البيتين وللإسلام والمسلمين
....
كلمة للامير سعود الفيصل ..
خدمت الدين واللوطن وبذلت الكثير للشعوب العربية
والأسلامية حفظك الله لنا 💜💜
هم يرون الحياة بي عندما يرغبون
وعندما لا يرغبون ف انا نكره
تنتظر رغبتهم بتلك الحياة مجددا لتستعيد مكانتها !
تعلمون
قد سئمت حقا
ولا اظن انني ساتحمل المزيد !
وفي ذات الوقت
الذي نتخذ به قرار الوداع
صوتا من داخلنا لا يككف عن منادتهم !!
يصرخ لا تذهبون لا تغادرونا
لا تظلمون الكون
لا تاخذون ذلك الجمال و ترحلون
....
ملامح كبرياء وابتسامه بارده وقسوة مفتلعه
قطعت بها حبل الوصال
وسقطت بعدها باكيه ....لا ترحلون !!
.....
حينها توقف الكون للحظات
ضعفهم امامي الذي يؤلمهم اظهاره
قد المني ايضا ...بحجم رغبتي به عندما كنت معهم !
فكم كان جميلا لو كنت اراه بهم في اكثر ايامنا قربا
كم كان جميلا لو لم يكن في لحظات الفراق
حينها فقط كنت س اعانقك ل اخبرك انه لم يكن ضعفا ابد
انما هيا قوه تبقيني بجانبك للابد !
.....
فعلت كل شي لتبقى
وانت قلت كل شي لكي لا ارحل
وهذه نقطة الاختلاف بيننا !
استخلفتك بالله
كم اخبرتك انني لا انتظر حروفا
انا اكثر من يتفنن بصياغتها !
افعالك وحدها قربتي اليك فيما مضى
وهي ايضا من ابعدتني عنك الان
.....
كانت تؤلمك دموعي
يؤذيك المي
كنت تفكرا مليا حتى بطريقة قسوتك عندما تغضب
كنت تخاف علي حتى من نفسي
والان ...!
لم يؤذني احد يوما كما فعلت انت
.....
اخبرتك دائما كم اكره الشتاء
فكم هو بارد وباهت
هادء جدا لا ملامح له سوى الجمود
وكم اخبرتك
انني شعرت به ف اكثر لحظات حياتي ايلاما
عندما تجمد داخلي عن الشعور باي شي
تبلد كاد يقتل الحياة بعيني
جمود كاد يفقدني الجميع
وهدوء مزعج يجعلك تستمع لكل تفصله تحدث
حتى نزاع الروح داخلك
فقد يتالم قلبك
يصرخ
يموتت
والجمود يسكنك لن تكن قادرا حتى على التعبير
اما انا ف كنت قادره فقط
على اذيت نفسي دون حتى الشعور ب الالم
كنت قد كرهت الحياة فلم يكن بها شي مميز
الم يطفو على كل شي
بل كانت جميع الامور متشابه لا شي بدا يستحق ان اراه جميلا
كل شي بدا باردا لا طعم له لا لون ولا رائحه
كما هو الان !
......
انا فقط سوف اتالم قليلا وستعود الحياة مجددا
هذا اكثر ما امنت به
لن اتمسك بك مجددا
لن اتالم منك
لن اكرهك
لترحل ول تبقى لذة قربك في ذكرياتي كما هي
.....
لن اعود ابدا
طريق العوده اصبح مملا جدا
فكم سلكته وحدي حتى حفظته اقدامي !
تاره ل اجلك
واخرى لاجل قلبينا وتلك العشره
وتارة اخرا كانت من اجلي
فلم استطيع حينها ان اتقبل فكرة الابتعاد عنك ابدا
وما اراه انك استغليت ذلك الضعف داخلي جيدا الى ان نفذ !
........
احببتك اكثر من كل شي
كنت اريد ان اكون لك كل شي
ام صديقة اخت
وحبيبة عندما تكون بحاجه الى ذلك الشعور !
اسرفت بجميع مشاعري نحوك لكي لا يبقى فؤئدك فارغا
يشكو بردا يوما من الايام
عانقتك بقلبي وبمشاعري ف انا اكثر من يعلم الم ذلك الشتاء
وما حدث انني دفئت قلبك جيدا وتجمدت انا
ولم يبقى بي شي يمكنني ان امنحه لك سوى الجمود !
.....
وكل مافي الامر انني متعبه و مرهقه جدا
كم تمنيت حينها
لو لم اكن قريبه منك الى ذلك الحد !!
نعم ..في لحظة قد تمنيت ذلك ولم اعلم حينها
انه ليس كل ما يتمناه يدركه !!
بقلمي الان
